رغـم الجـفـا
ـــــ
خذني معك من وين ما رحت وياك
خذني بقلبك دام قلبي رهينك
صعبه ترى لو شفت وشلون أبسلاك
لو طفت هالعالم تراني سجينك
عذبتني واشقيت روح ٍ تمناك
لو الهوى ينطق وربي يدينك
مات الغلا ينزف على درب ذكراك
رغم الجفا لا زال يرجي حنينك
بعدك حياتي كلها ضيق وارباك
الواقع اللي ما تمناه عينك
كل المشاعر في غيابك تحراك
تصرخ عليك من الوله حيل وينك
مقدرعلى بـُـعدك حشى كيف فرقاك
هذي الحقيقة خلها في يقينك
همك عذاب اللي نسى الناس لرضاك
وهمي أشوفك مهتني في سنينك
لو تطلب سنين العمر من فداياك
سلمت لك عمري براحت يمينك
منك احتملت من الشقى فوق ما جاك
سميت نفسي بالمحبة حزينك
يكفي دخيلك حس باللي ترجاك
لا عاش منهو يا حياتي يهينك
تعبت مالي بالهوى غير دنياك
مديت لك يمناي عطني يدينك
أعاهدك ببقى على الحب منساك
عهد ٍ قطعته بين قلبي وبينك