يا عمري الدنيا ما تسوى ـــــــــ يا عمري الدنيا ما تسوى تنام وخاطرك زعلان ولا شي يستاهل يخلي قلبك يعاني طلبتك كان لي خاطر تبعد عنك الأحزان فديت عيونك الحلوة تبسم لو على شاني حبيبي صار لي مدة أشوفك تايه وحيران وأنا لا شفتك حزين تزود أحزاني أنا أحبك ولا ودي تعيش بدنيتك ندمان ترى الأيام محسوبة وتالي هالعمر فاني تصدق بسمتك والله تفرح خاطري الولهان بطير من الفرح يا قلبي وأصير بعالم ثاني والى من شفتك بضيقة أحس أني أنا الغلطان أعاتب نفسي بنفسي ولو ما كنت أنا الجاني غلاتك بداخل أعروقي ولا يوصل غلاك إنسان يمر الوقت ويثبت لك غلاتك إن الله أحياني أضحي بعمري لعيونك تنام أنته وأنا سهران وأنادي جروحك لقلبي تجي واحد ورى الثاني