ما هزني فراقك
ـــــــــــــــ
أنا الذي لظروف وقتي تحديت
يوم غيري ما تحمل سواتي
عايشت بالدنيا العجايب وعانيت
أصبر وأقول لسود الأيام هاتي
عن جرت الخاين تنحيت وقفيت
ومن باعني بعتة لونه غناتي
ياللي بـدرب الخيانة تماديت
حبك طويته وانتهى من حياتي
مثل اليتيم أقبلت واليوم صديت
روحي عظيمة شان هذي صفاتي
وما هزني فراقك ومهما ترجيت
عفتك بعد ما كنت أغلا أمنياتي
وحرقت قاموس المحبة وشديت
عن موطنك ياللي تجاهلت ذاتي
نفسي عزيزة فوق حبك لها أحييت
ودفنت من شان الكرامة شقاتي
ليست هناك تعليقات:
إرسال تعليق