نفس الشعور اللّي تحسّه .. أحسّه
ونفس الكلام اللي تقوله .. أقولـه
أثنينّا نبـض .. وعلينـا نجّسـه
مدام كلن صوب الآخر . ميولـه
ربيع حبّك بين الأضلاع .. عسّه
وغلاك ماطر .. ما يوقف هطولـه
ليه الغلا نخشى عليه .. وندسّـه
يا محرزً داخل فـؤادي . بطولـه
تلويعك اللي بين الأهداب .. بسّه
خلاص جاك العمر لين وسهولـه
وكأنك تقول الحب .. تّوه ولسّـه
بكره يجيك من الموادع ذهولـه !!
حبل الوصل .. لا يرتخي فيك مسّه
وأرفع بيارق حبنا فـي وصولـه
ليست هناك تعليقات:
إرسال تعليق